წმიდა სინოდის სხდომის ოქმი. სრულად ნახვა
მთავრობასა და ეკლესიას შორის ურთიერთთანამშრომლობის მემორანდუმს სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მნიშვნელოვან დოკუმენტს უწოდებს.
მისი თქმით, პატიმრები ციხეებში, ძირითადად, დაუსაქმებლები არიან და ეს პრობლემებს ქმნის.
“დოკუმენტი დაეხმარება მათ დასაქმდნენ და თავიანთ ოჯახებს დაეხმარონ. შეიძლება, ბევრი რამ გაკეთდეს კიდევ იმისთვის, რომ ისინი უკეთეს პირობებში იყვნენ. ვფიქრობ, პატიმრებს უნდა დავეხმაროთ გამოსწორებაში. გეგმა, რომ ზოგიერთი მათგანი იყოს მიმაგრებული ეკლესია-მონასტრებზე მეტად მისაღები და კარგია, მაგრამ, შეიძლება, უკეთესი პირობები მათ თავიანთი პატიმრობის ადგილზე შევუქმნათ”, _ ბრძანა პატრიარქმა.
პატრიარქი მიიჩნევს, რომ საქართველოში ძალზე ბევრი პატიმარია. ილია მეორემ ხელისუფლებას მოუწოდა, კიდევ ერთხელ გადახედოს მათ საქმეებს და გაათავისუფლოს ისეთი პატიმრები, ვისაც არა აქვს დიდი დანაშაული ჩადენილი. სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ და პრემიერ-მინისტრმა ნიკა გილაურმა დღეს უერთიერთთანამშრომლობის მემორანდუმს მოაწერეს ხელი.
მემორანდუმი ითვალისწინებს ეკლესია-მონასტრებში მსჯავრდებულთა მიერ საზოგადოებისთვის სასარგებლო შრომას.
ეკლესია, ასევე, მზადყოფნას გამოთქვამს, ხელი შეეწყოს პატიმრების საეკლესიო ცხოვრებაში ჩართვას და მათ საზოგადოებისთვის სასარგებლო შრომაში მონაწილეობას.
პატრიარქის მიმართვა 9 აპრილის წინ. ვიდეოვერსია
ურთიერთთანამშრომლობის მემორანდუმს სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე “მნიშვნელოვან დოკუმენტად” აფასებს. “პატიმრები ციხეებში ძირითადად დაუსაქმებლები არიან და ეს პრობლემებს ქმნის. დოკუმენტი დაეხმარება მათ, დასაქმდნენ და ოჯახებს დაეხმარონ. ვფიქრობ, პატიმრებს უნდა დავეხმაროთ გამოსწორებაში,” - ბრძანა პატრიარქმა. ამასთან, ილია მეორემ კიდევ ერთხელ მოუწოდა ხელისუფლებას, გადახედოს პატიმრების საქმეებს და გაათავისუფლოს მსჯავრდებულები, რომელთაც მძიმე დანაშაული არ აქვთ ჩადენილი. ეკლესია ასევე მზადყოფნას გამოთქვამს, ხელი შეუწყოს პატიმრების საეკლესიო ცხოვრებაში ჩართვას და მათ საზოგადოებისთვის სასარგებლო შრომაში მონაწილეობას
განსაცდელი, რომელშიც იმყოფება დღეს საქართველო, სულიერი სიმტკიცისთვის მოევლინა ღვთისგან, რწმენის, სიყვარულისა და სასოების სიმტკიცისთვის; არ შეგეშინდეთ, ყველაფერი ღვთის მადლით დამშვიდდება, _ ასე მიმართა დღეს ხალხს საქართველოს კათოლიკოს-პატრიარქმა, უწმინდესმა და უნეტარესმა ილია მეორემ.
პატრიარქმა მართალი ლაზარეს აღდგინების დღესთან დაკავშირებით მართალი ლაზარეს სახელობის ეკლესიაში პარაკლისი გადაიხადა. უწმინდესმა დალოცა მრევლი და საქართველოს სულიერი აღდგომა უსურვა.
ილია მეორემ ტაძრის გარშემო ლიტანიაც შეასრულა, რომლის დროსაც ნაკურთხ წყალს ასხურებდა მლოცველებს.
პარაკლისის დასრულების შემდეგ უწმინდესმა ქადაგებით მიმართა მრევლს. “დღეს ჩვენი ეკლესია დღესასწაულობს ლაზარეს აღდგინებას. როგორც უფალმა აღადგინა ლაზარე, როცა აღარ ჰქონდათ მისი გაცოცხლების იმედი, ასევე აღდგება საქართველო”, _ ბრძანა უწმინდესმა.
ილია მეორემ მრევლს მიმართა, წაიკითხონ ვაჟა-ფშაველას “გამოცხადება”, სადაც იგი წერს, რომ მას გამოეცხადნენ წმინდანები, წინ თამარ მეფე იდგა და ყველა ერთად ამბობდა, რომ საქართველო აღდგება.
“სულიერი აღდგომა უკვე დაწყებულია”,-ბრძანა პატრიარქმა.
გვიახლოვდება 9 აპრილი, დღე, რომელიც ჩვენს მეხსიერებაში აღიბეჭდა, როგორც თავისუფლებისათვის ერის ბრძოლის და დამოუკიდებლობის აღდგენის დღე. მას შემდეგ 20 წელი გავიდა. შეიცვალა დრო და, რა თქმა უნდა, პრობლემებიც, მაგრამ საფრთხე როგორც უწინ, ახლაც არსებობს და მის თავიდან ასაცილებლად თვითოეულმა ჩვენთაგანმა ყველაფერი უნდა გააკეთოს.
ოფიციალური განცხადებებით, ხელისუფლებაც და ოპოზიციაც ძალადობას გამორიცხავს, რადგან მიაჩნიათ, რომ მშვიდობიან მეთოდებშია მათი ძლიერება. ეს მართლაც ასეა; უფალი ჩვენი იესო ქრისტე ყველა პრობლემის გადაჭრას სწორედ მშვიდობით, სიკეთითა და სიყვარულით გვასწავლის. მაგრამ არ არის გამორიცხული პროვოკაციის საფრთხე.
ამიტომაც კიდევ ერთხელ მივმართავ ხელისუფალთ, - არ დაუშვათ ძალის გამოყენება საკუთარი ხალხის წინააღმდეგ. მივმართავ ოპოზიციას, - მაქსიმალურად უზრუნველჰყავით აქციის მშვიდობიანი ფორმები.
მივმართავ სამართალდამცავებს და სამხედრო პირებს, - გახსოვდეთ, თქვენს წინაშე თქვენი მოყვასი, თქვენი სისხლი და ხორცი იდგება. მივმართავ აქციის თითოეულ მონაწილეს, - გააცნობიერეთ, რომ ყოველგვარი აგრესია, მათ შორის სიტყვიერიც, დაუშვებელია და მისი ნებისმიერი გამოვლინება თქვენ თვითონ უნდა აღკვეთოთ.
მე მინდა მივმართო საქართველოს არაქართულ მოსახლეობასაც, - ჩვენ მრავალი ავისმსურველი გვყავს და არ არის გამორიცხული, პროვოკაციული ქმედებები თქვენს მიმართაც განხორციელდეს, რათა დაძაბულობის სხვა კერებიც გაჩნდეს; თქვენ საქართველოს შვილები ხართ და იმედი მაქვს, გამოავლენთ ამ ქვეყნისადმი თქვენ სიყვარულსა და ერთგულებას და საჭიროების შემთხვევაში მის სადარაჯოზე დადგებით.
შეგახსენებთ უფლის ამ სიტყვებსაც: "რომელმან აღიროს მახვილი მახვილით წარწყმდეს”.
მაშ, რამდენად მძიმე და საშინელი იქნება ხვედრი იმ ადამიანისა და მისი მოდგმისა, ვისმა მიზანმიმართულმა ან თუნდაც უგუნურმა ქმედებამ შეიძლება ქვეყნის ბედი სასწორზე შეაგდოს და სისხლისღვრამდე მიგვიყვანოს. ნუ იყოფინ!
ჩვენ ყველამ, - ხელისუფლებამ, ოპოზიციამ, ხალხმაც და ეკლესიამაც მხოლოდ ისეთი ღირსეული ნაბიჯები უნდა გადავდგათ, რომელიც ჩვენს ქვეყანას სჭირდება და გამოადგება.
ნუ ვიქნებით კატეგორიულები და გახსოვდეთ, სამშობლოს კეთილდღეობა აღემატება ჩვენს პირად ბედნიერებასა და კეთილდღეობას.
მადლი თქვენდა და მშვიდობა მისგან, რომელიც არის და იყო და იქნება (გამოცხ. 1, 4).
ამინ!
8 აპრილი, 2009 წელი
უწმინდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ ტრადიციულ საკვირაო ქადაგებაში კვლავ საქართველოს ტერიტორიულ მთლიანობაზე გაამახვილა ყურადღება.
როგორც უწმინდესმა ბრძანა, არსებული კონფლიქტი დროებითია და მისი მოგვარება შეიძლება. პატრიარქი მრევლს ლოცვისაკენ მოუწოდებს, რათა ქვეყანამ მძიმე განსაცდელი დაძლიოს
2009-01-04